Bugun 28 mart, 2024 yil, payshanba

КИР

Meta kuchli o‘nlikdan tushib ketdi

Meta kuchli o‘nlikdan tushib ketdi

Meta (Facebook) kompaniyasi, kapital qiymatiga ko‘ra, eng qimmat AQSh kompaniyalari yetakchi o‘nligini tark etdi. Chunki endilikda Mark Sukerberg kompaniyasi ushbu reytingdagi ta’qibchisi — Exxon neft-gaz kompaniyasidan arzonroq.

Mark Sukerberg yangi xodimlarni ishga olishni to‘xtatish hamda kompaniyaga asos solingan 2004 yildan beri uning byudjeti keskin qisqartirilishini e’lon qilganidan so‘ng Meta aksiyalari arzonlashib ketgan.

Facebook o‘z tarixidagi eng qimmat cho‘qqiga 2021 yilning 7 sentyabrida ko‘tarilgan va kapital qiymati $1,078 trillionni tashkil etgandi. 2022 yil boshidan buyon kompaniya aksiyalari 59 foizgacha qadrsizlangan (Dow Jones Market Data hisoboti).

Shu yilning 19 sentyabr kuni (2019 yil yanvaridan beri birinchi marta) Meta kompaniyasi qiymati $400 milliarddan pasaydi.

Payshanba kungi savdolar yakunida kompaniya qiymati $366,6 milliardgacha tushib ketdi. Oqibatda Meta 11-pog‘onaga tushib, o‘z o‘rnini $369,6 milliard dollarlik Exxon Mobil neft-gaz gigantiga bo‘shatdi.

Kiritildi: 19:34 01.10.2022. O'qildi: 4144 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!