Messi Paulinyoning o‘rniga “Barselona”da boshqa futbolchini ko‘rmoqchi

“Barselona” a’zosi Paulinyoning yana Xitoyga qaytganidan xabaringiz bor. Futbolchining kutilmaganda “Guanchjou Evergrand”ga qaytgani ko‘pchilikni hayron qoldirgandi. Paulinyo bir yil muddatga ijara asosida Xitoy klubiga o‘tdi.

Ispan nashrlarining yozishicha, bu transferning o‘ziga xos sababi bor. Ya’ni Kataloniya klubi yetakchisi Messi “Barselona”ga boshqa futbolchi kelishini istamoqda. Leo Paulinyoning o‘rniga “Manchester Yunayted” a’zosi Pol Pogbani ko‘rmoqchi.

Xabarlarga qaraganda, jahon chempionati doirasida Fransiya hamda Argentina uchrashuvida aynan Pogbaning xatti-harakatlari Messiga ma’qul kelgan. Messi aynan Pogba “ko‘k-anorranglilar”ning o‘yinini kuchaytira olishiga ishonmoqda.