Messi faoliyatida 1169 o‘yinda 922-golni urdi, Ronaldu yetishiga hali ancha bor

Argentina terma jamoasi tarkibida jahon chempionatining kumush medali sohibi bo‘lgan Lionel Messi otasi Xorxe vafotidan keyin ilk bor gol urdi. U «Inter Mayami» safida safarda o‘tgan MLSning navbatdagi uchrashuvida «Filadelfiya Yunion» darvozasini ishg‘ol etdi.

Uchrashuv boshida maydon egalari faolroq harakat qildi. 11-daqiqada Indiana Vasilev aniq zarbasi bilan hisobni ochdi. 10 daqiqa o‘tib, Daniel Pinter hisobni tenglashtirdi. Ortidan besh daqiqa o‘tib, Messi maydon mehmonlarini hisobda oldinga olib chiqdi.

Birinchi bo‘lim 2:1 hisobida, «Inter Mayami» foydasiga yakunlandi. Ammo Messi jamoasi ustunlikni saqlab qololmadi. 58-daqiqada Nil Pyerr «Filadelfiya Yunion» uchun ikkinchi golni urdi.

Bellashuv 2:2 hisobida nihoyasiga yetdi. Shu tariqa «Inter Mayami»ning g‘alabasiz seriyasi uch o‘yinga yetdi.

Eslatib o‘tamiz, Lionel Messining otasi Xorxe Messi 7 avgust kuni uzoqqa cho‘zilgan kasallikdan so‘ng vafot etgan edi. Shu sababli futbolchi ma’lum muddat «Inter Mayami» safidagi o‘yinlarini to‘xtatgan, dafn marosimidan keyin jamoaga qayta qo‘shilgan.

Bu gol Lionel Messining professional faoliyatida 922-gol bo‘ldi.

39 yoshli Messi hozirga qadar klub va terma jamoalar tarkibida jami 1169 o‘yin o‘tkazib, 922 marta raqib darvozasini ishg‘ol etgan va 420 golli uzatma amalga oshirgan.

Uning asosiy raqiblaridan biri, «An-Nasr»ning 41 yoshli hujumchisi Krishtianu Ronaldu esa 1330 uchrashuvda 976 gol urib, 261 golli pas qayd etgan.