Liviyaning Derna shahrida kuchli suv toshqinlari oqibatida halok bo‘lganlar soni 20 mingga yetishi mumkin. Bu haqda shahar meri Abdulmenam al-G‘ayti mahalliy “Al-Arabiya” telekanaliga bergan bayonotida ma’lum qildi.
Uning so‘zlariga ko‘ra, vayronalar bunday xulosaga kelishga asos bo‘lmoqda.
Eslatib o‘tamiz, Gresiya va Bolgariyada suv toshqinlariga sabab bo‘lgan “Daniyel” dovuli 11-sentyabr kuni Liviyaga yetib kelgan edi. Tabiiy ofat natijasida 8 ming kishi halok bo‘ldi. Halok bo‘lganlar soni ortishi istisno qilinmaydi.
