Meksikada, Gvatemala bilan chegarada harbiylar adashib, bir guruh migrantlarni otib tashladi. 6 kishi halok bo‘ldi. Bu haqda Bild xabar berdi.
Taxminlarga ko‘ra, migrantlar yuk mashinalarida ketayotgan bo‘lgan, ular kontrabandachilar yordamida chegarani noqonuniy kesib o‘tmoqchi bo‘lgan. Meksika armiyasi askarlari ularga qarata o‘t ochdi. 6 kishi halok bo‘ldi, 12 kishi yaralandi. Mamlakat rasmiylarining tushuntirishicha, harbiylar migrantlarni narkotik kartellari jinoyatchilari deb o‘ylashgan.
