2021 yilgi davlat byujetidan shu maqsadda 30 mlrd so‘m ajratiladi. Bu haqda 21 oktyabr kuni Senat raisi Tanzila Norboyeva senatorlarning yalpi majlisida so‘z yuritdi.
«Yil boshida mehribonlik uylari tarbiyalanuvchilarini ijtimoiy qo‘llab-quvvatlash borasidagi ishlar holatini tanqidiy ko‘rib chiqib, mutasaddilar oldiga aniq vazifalarni belgilab qo‘ygan edik. O‘shanda: «Ota-onasiz bolalarimiz mehribonlik uylaridan chiqqanidan keyin qayerda yashaydi, uy-joyi yo‘q-ku», deb hokimlar bilan fikr-mulohazalar almashgandik.
Mana, kelgusi yilda endi chin yetim bolalarni uy-joy bilan ta’minlash uchun birinchi marotaba 30 mlrd so‘m mablag‘ ajratilishi belgilandi. Endi bolalarimizning hammasini mehribonlik uyidan chiqqanidan keyin boshpanasi bo‘ladi», – dedi Tanzila Norboyeva.
Ma’lumot uchun, bugungi kunda respublikadagi mehribonlik uylarida 2369 nafar bola tarbiyalanmoqda. Ularning 338 nafari, ya’ni 14 foizini chin yetimlar tashkil etadi.
"O‘zbekiston fuqarolarining Rossiyaga kiritilmayotganligi" bo‘yicha postlar yuzasidan rasmiy ma’lumot berildi
Avval suvga itarishdi, keyin qayiqni teshishdi: Toshkent viloyatida inspektorlarning hayotiga suiqasd qilindi
Baxmal va Zomindagi tog‘ hamda qir-adirliklarga kirish pulli bo‘ldi(mi)?
