Bugun 29 mart, 2024 yil, juma

КИР

Mehmonxonalar qanday talablar asosida faoliyat yuritishi ma’lum qilindi

Mehmonxonalar qanday talablar asosida faoliyat yuritishi ma’lum qilindi

Respublika maxsus komissiyasining qarori bilan mehmonxonalar uchun o‘z xizmatlarini tashkil etishda pandemiya sharoitidan kelib chiquvchi qo‘shimcha talablar belgilandi.

Unga ko‘ra:

- mehmonxonalarda qabulxona, kutish zallari, yo‘laklar, zinalar, lift, sanitar-gigiyenik nuqtalari har 8 soatda hamda umumiy foydalanishdagi buyumlar (eshik tutqichi, lift tugmalari, kutish zalidagi stol, ro‘yxatga olish joyi stoykasi va undagi ruchkalar) har 2 soatda kamida 1 marotaba dezinfeksiya qilinishi;

- umumiy foydalanishdagi ob’ektlar (lift, sanitariya-gigiyena nuqtalari, valyuta ayriboshlash shohobchalari, ovqatlanish joylari va boshqalar) antiseptik vositalari bilan uzluksiz ta’minlashi hamda qo‘lni davriy tozalab turish bo‘yicha o‘zbek, rus va ingliz tillarida yozilgan ogohlantiruvchi yozuvlar bo‘lishi;

- binoning kirish qismida tashrif buyuruvchilarning tana haroratini doimiy o‘lchashni va dezinfeksiyalashni yo‘lga qo‘yilishi;

- xodimlar va mijozlarning sonidan kelib chiqib shaxsiy himoya vositalarining (niqob, qo‘lqop, antiseptik vosita va boshqalar) kamida besh kunlik zaxirasi shakllantirilishi va doimiy mavjud bo‘lishi;

- mehmonxonaning bandlik darajasi 50 foizdan oshgan taqdirda tibbiyot xodimining doimiy faoliyati ta’minlanishi;

- mehmonlarni nomerlarga joylashtirishda oilaviy mehmonlar soni 3 nafardan, boshqa mehmonlar soni 2 nafardan oshmasligi lozimligi belgilandi.

Mazkur talablar nomerlari soni 10 tadan ko‘p bo‘lgan mehmonxonalarga nisbatan tatbiq etiladi.

Pandemiya sharoitida xostellar va mehmon uylari faoliyatiga ruxsat berilmaydi.

Kiritildi: 14:41 07.05.2020. O'qildi: 3654 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!