AQShda prezidentlik saylovida g‘alaba qozongan respublikachi Donald Tramp 20 yanvardagi inaugurasiyadan so‘ng vazifasiga kirishadi. Hozirgi kunda asosiy masalalardan biri – uning Oq uyga qanday jamoa bilan qaytishi. Ba’zi ma’lumotlarga ko‘ra, uning avvalgi jamoasidan faqat bir necha hamfikrlari qolgan.
Syuzi Uayls – Tramp jamoasining kelajagi allaqachon aniq bo‘lgan yagona a’zosi. Trampning saylovdagi ishonchli g‘alabasi aynan Uaylsning saylovoldi kampaniyasi rahbari sifatidagi faoliyati natijasidir. Tramp chorshanba kungi g‘alaba nutqida uning rolini alohida ta’kidlab o‘tdi. Uayls Donald Trampning yangi ma’muriyati rahbari bo‘ladi.
Robert Kennedi – saylov davrining so‘nggi ikki oyida u Trampning “Amerikani yana sog‘lom qilaylik” nomli saylovoldi tashabbusiga rahbarlik qildi. Yaqinda Tramp, Robert Kennedi Kasalliklarni nazorat qilish va oldini olish markazi (CDC) va Oziq-ovqat va dori vositalari xavfsizligi boshqarmasi (FDA) kabi jamoat sog‘liqni saqlash idoralari ishida muhim rol o‘ynashi haqida e’lon qildi.
Ilon Mask – ayrim ma’lumotlarga ko‘ra, Tramp va Mask Hukumat samaradorligi departamentini tashkil etish g‘oyasini muhokama qilmoqda. Departamentning maqsadi budjet xarajatlarini qisqartirish, hukumat faoliyatini isloh qilish va Maskning ta’biri bilan aytganda, "bo‘g‘uvchi federal byurokratiya"ga qarshi kurashishdan iboratdir. Ushbu departamentga Ilon Mask rahbarlik qilishi kutilmoqda.
Britaniya rekord miqdordagi askarini yo‘qotdi
AQSh Ukrainaning Rossiya hujumini to‘xtata olmasligini e’lon qildi
G‘arb Rossiyaning Ukrainadagi g‘alaba yo‘lini e’lon qildi
