Rossiya xavfsizlik va korrupsiyaga qarshi federal loyihasi rahbari Vitaliy Borodin bosh prokuraturaga Liya Axedjakova ustidan arz qildi. U aktrisani xorijiy agent deb tan olishni talab qilgan.
Borodinning so‘zlariga ko‘ra, "Ishdagi ishq" yulduzi Rossiyada yashab turib, Ukraina OAVga intervyu berib, ukrainaparast qiyofasida gavdalangan.
U Liya Axedjakovaga nisbatan 3 ta, jumladan davlatga xiyonat bo‘yicha jinoiy ish qo‘zg‘ash kerakligini aytmoqda. Shuningdek, u aktrisani davlat mukofotlari va faxriy unvonlaridan mahrum qilishni so‘ragan.
84 yoshli aktrisa Rossiyadan ketish istagi yo‘qligini bildirgan.
