Marselo faoliyatida duch kelgan eng qiyin raqiblarni sanadi

"Real"ning sobiq himoyachisi Marselo o‘zi o‘ynagan eng qiyin raqiblar haqidagi savolga javob berdi.

Marselo bunga shunday munosabat bildirdi: "Uh, bu yigitlar chindan ham menga muammo tug‘dirishgan".

Braziliyalik birinchi bo‘lib Lionel Messini tilga oldi va uni tabassum bilan "juda qiyin raqib" deb ta’rifladi.

Keyin esa "Sevilya"ning sobiq futbolchisi Xesus Navasni esladi.

"U ham menga muammo tug‘dirar edi," - dedi Marselo.

Shundan so‘ng, sobiq himoyachi "Real Sosyedad"ning sobiq yarim himoyachisi Xabi Priyetoni tilga oldi.

"Odamlarga u juda oddiy ko‘rinardi, lekin aslida unga qarshi o‘ynash juda qiyin edi. U bunchalik tez yuguradi yoki biror narsa qiladi deb o‘ylamagandim... Ammo u juda kuchli edi," - deya tushuntirdi Marselo.

Ro‘yxat so‘ngida braziliyalik futbolchi "Barselona"ning sobiq yarim himoyachisi Pedroni ham qo‘shib qo‘ydi.