AQSh Davlat kotibi Marko Rubio 2028 yilgi prezidentlik saylovlarida “jiddiy nomzod” sifatida ko‘rila boshlandi. Bu haqda Politico nashri Oq uy manbalariga tayanib xabar berdi.
Nashrga ko‘ra, Marko Rubio ning asosiy ustunliklari orasida tashqi mojarolarni hal qilishdagi tajribasi va siyosiy xavflardan qochish qobiliyati bor.
Shuningdek, uning Donald Trampga sodiqligi va xalqaro masalalardagi faolligi pozisiyasini mustahkamlagani ta’kidlanmoqda.
Politico ma’lumotlariga ko‘ra, Konservativ siyosiy harakatlar konferensiyasi (CPAC) o‘tkazgan so‘rovda Rubio reytingi 2025 yildagi 3 foizdan 35 foizgacha oshgan.
Ayni paytda, Jey Di Vens reytingi pasaygan bo‘lsa-da, u hali ham ehtimoliy nomzodlar orasida yetakchi bo‘lib qolmoqda.
Kuzatuvchilarga ko‘ra, Rubioning siyosiy sahnadagi faolligi uni 2028 yilgi saylovlar uchun asosiy raqobatchilardan biriga aylantirmoqda.
Koreyada vafot etgan o‘zbekistonlik qiz haqida rasmiy bayonot berildi
Eron Isroil bilan aloqa qilganligi uchun yuqori lavozimli amaldorni qatl qildi
Abduqodir Husanov «Bernli»ga qarshi qanday o‘ynadi? (video)
