"Manchester Siti" Xolandning o‘rnini supersermahusllik ko‘rsatayotgan futbolchi bilan yopmoqchi

"Manchester Siti" Frankfurtning "Ayntraxt" klubi hujumchisi Omar Marmushga qiziqish bildirmoqda.

Bu haqda Fichajes portali xabar bermoqda.

"Shaharliklar" 25 yoshli futbolchini Xosep Gvardiola jamoasini tark etib, faoliyatini ispan futboli gigantlaridan biri – “Barselona” yoki “Real Madrid”da davom ettirmoqchi bo‘lgan norvegiyalik forvard Erling Xoland o‘rniga o‘rinbosar sifatida ko‘rmoqda.

Marmush 14 uchrashuvda 12 ta gol va 9 ta golli uzatmani amalga oshirgan. U Bundesliga to‘purarlik poygasida peshqadamlik qilmoqda va 2024/25 yilgi mavsum boshida beshta chempionatda gollar soni bo‘yicha ham peshqadam.