"Manchester Siti"ning moliyaviy qoidabuzarliklari bo‘yicha surishtiruvga asos bo‘lgan ma’lumotlarni oshkor qilgan portugaliyalik xaker Ruy Pintu himoya ostida qoladi.
Football Leaks ishi orqali tanilgan Pintuni himoya qilish dasturini tugatish to‘g‘risidagi qaror haqiqiy emas deb topildi.
jn.pt nashrining xabar berishicha, dastur yangi qaror qabul qilingunga qadar amal qilishda davom etadi.
Faoliyati natijasida qo‘lga kiritilgan ma’lumotlar "Manchester Siti"ning moliyaviy qoidabuzarliklari bo‘yicha surishtiruvga asos bo‘lgan Ruy Pintu 2020 yil avgustidan buyon maxsus himoya ostida bo‘lib kelmoqda.
Himoya dasturi unga polisiya qo‘riqlovi ostida maxfiy manzilda yashash, soxta shaxsiy ma’lumotlar ko‘rsatilgan hujjatlar, bepul transport va yashash xarajatlari uchun nafaqa ajratishni nazarda tutadi.
2023 yil sentyabr oyida Portugaliyada Pintu Football Leaks ishi bo‘yicha shartli ravishda to‘rt yillik ozodlikdan mahrum qilish jazosiga hukm qilingan.
O‘sha yilning noyabr oyida esa Fransiyada "PSJ" klubining elektron pochtasiga noqonuniy kirgani uchun unga shartli ravishda olti oylik qamoq jazosi tayinlangan.
"Oltin to‘p" uchun favorit o‘zgardi
Ikki futbolchi zo‘rlash ishida qo‘lga olindi
Shaxmat terma jamoasi a’zolari hibsga olindi
