"Manchester Siti" Germaniya terma jamoasining 130 millionlik yulduzi uchun kurashda "Real" va "Bavariya"dan oldinda

"Manchester Siti" "Bayer" yarim himoyachisi Florian Virsning transferiga yaqinlashdi.

"Shaharliklar" futbolchi uchun 100 mln funt sterlingdan oshiq pul to‘lashga tayyor. Amaldagi chempionlar rahbarlari klubda qolishga qaror qilgan Xosep Gvardiola bilan ishlash imkoniyati Virs uchun kurashda hal qiluvchi omil bo‘lishini kutishmoqda.

O‘yinchini shuningdek "Bavariya", "Real", "Chelsi" va "Liverpul" o‘z safida ko‘rmoqchi. Ammo, aynan "Man Siti" asosiy favorit sifatida tilga olinmoqda. Transfermarkt nemisni 130 mln yevroga baholagan. Xavbek Germaniya terma jamoasi safida 29ta o‘yinda 6ta gol urishga erishdi.