Hujumchi Vinisius Juniorning kelajagi noaniqligicha qolmoqda. Braziliyalik futbolchining "qaymoqranglilar" bilan amaldagi shartnomasi 2027 yilning yarmigacha mo‘ljallangan.
Vinisius oktyabr oyi oxirida "Real" prezidenti Florentino Peresga murabbiy Xabi Alonso bilan munosabatlaridagi muammolarni hisobga olib, shartnomani uzaytirishni o‘zi uchun eng yaxshi variant deb hisoblamasligi haqida gapirgandi.
Xuddi shu materialda The Athletic "Real" avvalroq Vinisiusga maoshini yiliga taxminan 20 milliongacha "sof" oshiradigan shartnoma taklif qilgani haqida yozadi. Taklif qabul qilinmadi va klub futbolchidan kerakli summani aytishni so‘radi.
Vinisiusning vakillari Krishtianu Ronaldu darajasidagi "tarixiy shartnoma" - bonuslarni hisobga olgan holda yiliga 30 million dollarlik paket so‘rashdi. Shu bilan birga, bu yerda shartnomani uzaytirish uchun bonus ham so‘ralgan - "Real" hech qachon shartnomani uzaytirishda futbolchilarga bunday bonus to‘lamagan.
2025/2026 yilgi mavsum oldidan Vinisius bilan qo‘shimcha muzokaralar o‘tkazildi, ammo ular yana boshi berk ko‘chaga kirib qolishdi.
Temur Kapadze Indoneziya terma jamoasida qancha maosh oladi?
Qozog‘iston futbol federasiyasi O‘zbekiston bilan o‘yin nega bekor qilinganini rasman ma’lum qildi
JCH–2026 pley-off uchrashuvlari uchun qur’a tashlandi. Juftliklar bilan tanishing
