Ma’lum bir vaqtdan so‘ng DOGE faoliyatini to‘xtatadi, Ilon Mask esa o‘z ishiga qaytadi – AQSh prezidenti

Donald Trampning ta’kidlashicha, ma’lum bir vaqtdan so‘ng Hukumat samaradorligi departamenti (DOGE) o‘z faoliyatini to‘xtatadi, chunki uni boshqarayotgan Ilon Mask maxsus davlat xizmatchisi sifatida faqat 130 kun davomida faoliyat yuritadi.

"Maskning boshqarishi kerak bo‘lgan katta kompaniyasi bor va shuning uchun u ma’lum bir muddatdan so‘ng o‘z ishiga qaytadi. Men uni qo‘limdan kelganicha olib qolardim. Mask juda iste’dodli yigit, men aqlli odamlarni yaxshi ko‘raman, u juda aqlli va mehnatkash inson", – deya ta’kidladi Tramp.

"Mask ketganidan keyin ham DOGE faoliyatini davom ettiradimi?", degan savolga Tramp federal agentlik rahbarlari "ko‘p narsani o‘rganganiga" ishonishini va ba’zilari DOGE xodimlarini o‘zlarida qoldirishni xohlashlarini aytdi.

CNN hisob-kitoblariga ko‘oa, mart oyining oxiriga kelib, DOGE ta’sirida federal agentliklardan kamida 121,000 odam ishdan bo‘shatilgan.