Fransiya prezidenti Emmanuel Makron Telegram asoschisi Pavel Durovning hibsga olinishi yuzasidan bayonot berdi, uning aytishicha, bu “siyosiy qaror” emas. Durov hamon hibsda.
«Pavel Durov hibsga olinganidan keyin Fransiya haqidagi yolg‘on ma’lumotlarni o‘qiyapman. Fransiya har qachongidan ham ko‘proq so‘z va muloqot, innovasiya va tadbirkorlikka erkinlik berdi. Shunday bo‘lib qoladi”, – deb yozdi Makron X ijtimoiy tarmog‘ida.
“Qonun ustuvorligida, ijtimoiy tarmoqlarda, real hayotda bo‘lgani kabi, fuqarolarni himoya qilish va ularning asosiy huquqlarini himoya qilish maqsadida qonun hujjatlarida belgilangan doirada erkinliklar amalga oshirilmoqda. Fransiyada Telegram rahbarining hibsga olinishi davom etayotgan sud tergovi doirasida amalga oshirildi. Bu siyosiy qaror emas. Qarorni sudyalar qabul qiladi”, – deya qo‘shimcha qildi Fransiya prezidenti.
25 avgustga o‘tar kechasi Durov Fransiyada qo‘lga olingani ma’lum bo‘ldi. Fransiya OAVlarining yozishicha, Durov Bokudan shaxsiy samolyotda kelgan Le-Burje aeroportida qo‘lga olingan.
Telegram asoschisi Rossiya fuqaroligi bilan bir qatorda Fransiya fuqaroligiga ham ega. Shuningdek, u Sent-Kits va Nevis orol davlati hamda Telegram bosh qarorgohi joylashgan BAA fuqarosi ekani xabar qilingan.
Fransiyaning TF1 telekanali xabariga ko‘ra, Durov Fransiyada qidiruv e’lon qilinganidan so‘ng, u ma’lum muddat mamlakatga borishdan bosh tortgan. Uning bu safar Fransiyaga nima uchun borgani noma’lum.
“Axmat” qurolli bo‘linmasi qo‘mondoni Apti Alaudinov o‘z ixtiyori bilan taslim bo‘lgan chechenlarni qutqarmasligini, ular "yashashga loyiq emasligini" aytdi
Ofiserlar ommaviy ravishda ishdan bo‘shamoqda
Isroil jiddiy xatoga yo‘l qo‘ydi
