Fransiya prezidenti Emmanuel Makron Grenlandiya va Eron atrofidagi vaziyatni muhokama qilish uchun Fransiya Milliy xavfsizlik va mudofaa kengashi yig‘ilishini chaqirdi. Bu haqda Reuters xabar berdi.
Yig‘ilish AQSh prezidenti Donald Trampning Grenlandiyani qo‘lga kiritish zarurligi haqidagi bayonotlari, shuningdek, Eronda norozilik namoyishlarining kuch bilan bostirilishi fonida o‘tkazilmoqda.
Makron X ijtimoiy tarmog‘ida Fransiya harbiylarining dastlabki guruhi Daniya va Grenlandiya bilan qo‘shma mashg‘ulotlarda ishtirok etish uchun Grenlandiyaga jo‘natilganini ma’lum qildi. Keyingi bo‘linmalar ham orolga yuborilishi rejalashtirilgan.
Shuningdek, Germaniya, Norvegiya va Shvesiya ham Kopengagen va Nuukni qo‘llab-quvvatlash maqsadida Grenlandiyaga harbiy kuchlar joylashtira boshlagani xabar qilindi. Fransiya rasmiylariga ko‘ra, ushbu harbiylar tog‘ sharoitida harakatlanish bo‘yicha ixtisoslashgan mutaxassislardir.
Afg‘oniston tezkor tarzda o‘z armiyasini kuchaytirishga qaror qildi
AQSh Maduroga qarshi operasiya davomida noma’lum maxfiy quroldan foydalangan
"Oreshnik" zarbasi G‘arb uchun signal bo‘ldi
