Makron Grenlandiya va Eron bilan bog‘liq vaziyatlarni muhokama qilish uchun Fransiya Milliy xavfsizlik va mudofaa kengashi yig‘ilishini chaqirdi

Makron Grenlandiya va Eron bilan bog‘liq vaziyatlarni muhokama qilish uchun Fransiya Milliy xavfsizlik va mudofaa kengashi yig‘ilishini chaqirdi — Reuters.

Yig‘ilish AQSh prezidenti Donald Trampning Grenlandiyani qo‘lga kiritish zarurligi haqidagi bayonotlari hamda Eronda bo‘lib o‘tayotgan norozilik namoyishlarining kuch bilan bostirilishi fonida o‘tkazilmoqda, deya yozmoqda nashr.

Makron X ijtimoiy tarmog‘ida e’lon qilgan xabarida fransuz harbiylarining dastlabki guruhi Daniya va Grenlandiya tomonidan tashkil etilgan qo‘shma mashg‘ulotlarda ishtirok etish uchun Grenlandiyaga yo‘l olganini bildirdi. Uning so‘zlariga ko‘ra, keyingi bo‘linmalar ham orolga yuboriladi.

Germaniya, Norvegiya va Shvesiya ham Kopengagen va Nuukni qo‘llab-quvvatlash maqsadida Grenlandiyaga harbiy kuchlar joylashtira boshlagan. Bu harakat AQSH, Daniya va Grenlandiya rasmiylari o‘rtasida o‘tkazilgan muzokaralardan so‘ng amalga oshirildi.

Fransiya rasmiylariga ko‘ra, Grenlandiyaga yuborilgan harbiylar tog‘ sharoitida harakatlanish bo‘yicha mutaxassislar bo‘lib, ular Operation Arctic Endurance Operation Arctic Endurance mashg‘ulotlarini tayyorlashda ishtirok etgan.