Makron: "EI qo‘shinlarini joylashtirish bo‘yicha qaror Ukrainaga bog‘liq"

Evropalik askarlarni Ukrainaga jo‘natish masalasi Yevropa Ittifoqi davlatlari tomonidan Moskvaning bu boradagi fikrini hisobga olgan holda emas, balki bevosita Kiyev bilan muhokama qilinadi. Bu haqda Fransiya prezidenti Emmanuel Makron aytib o‘tdi.

Makronning so‘zlariga ko‘ra, Parij va London tomonidan qo‘llab-quvvatlanayotgan Ukrainaga askarlarini joylashtirish tashabbusidan Yevropa Ittifoqining bir qancha davlatlari allaqachon manfaatdor. Tashabbusdan maqsad harbiy amaliyotlarda qatnashish emas, balki ukrainalik askarlarni tayyorlash va uzoq muddatli qo‘llab-quvvatlashni namoyish etish, dedi Fransiya rahbari. Uning ta’kidlashicha, ayni damda "Evropaning eng yirik armiyasi Ukraina armiyasidir" va Yevropa davlatlari ularning sonini shunchaki ko‘paytirish maqsadiga ega emas.

Tashabbusga ko‘ra, Yevropa Ittifoqi davlatlari Kiyev, Odessa va Lvovdagi yig‘in markazlariga bir necha ming askar yuborishi mumkin. Shu bilan birga, Yevropa yetakchilari bu borada Moskva fikriga tayanmoqchi emas. "Ukraina suverendir. Agar u o‘z hududiga ittifoqchi qo‘shinlarni joylashtirishni so‘rasa, buni qabul qilish yoki olmaslik Rossiyaning ishi emas", — dedi Makron.

Fransiya rahbarining OAV bilan suhbati Buyuk Britaniya bosh vaziri Kir Starmer tomonidan tashkil etilgan Yevropa Ittifoqi yetakchilari va NATO vakillarining onlayn konferensiyasi oldidan bo‘lib o‘tdi. Uchrashuvda Britaniya bosh vaziri Putin AQShning o‘t ochishni to‘xtatish bo‘yicha taklifini e’tiborsiz qoldirganini, unga Trampning maxsus vakili Stiv Vitkoff yetkazganini ta’kidladi.