Madiyar Saidrahimov Shohjahon Ergashev bilan bir oqshomda jang qiladi

2 iyul kuni Turkiyaning Istanbul shahrida boks bo‘yicha IBA.Pro 7 turniri bo‘lib o‘tadi.

Ma’lum bo‘lishicha, ushbu turnirda yana bir hamyurtimiz — Madiyar Saidrahimov ham ishtirok etadi. 27 yashar Madiyarga musobaqa doirasida Ozarbayjon vakili Ahmad Mustafayev raqib bo‘lishi belgilab qo‘yilgan. 6 raundlik ushbu bellashuv professional maqomda kechadi.

Saidrahimov bungacha prof faoliyati davomida 2017 yil Malayziyaning Kuala-Lumpur shahrida bitta jang o‘tkazib, g‘alabaga erishgan. Ahmad Mustafayev uchun esa bu bahs prof ringdagi debyutga aylanadi.

Avvalroq, IBA.Pro 7 turniri doirasida taniqli charm-qo‘lqop ustamiz Shohjahon Ergashev ringga ko‘tarilishi haqida xabar bergandik.