Payshanba kuni, 3 oktyabr tushdan keyin, Rossiyaning uchta "Shahed" droni Belarus hududiga kirib keldi. Bu paytda mamlakat prezidenti Aleksandr Lukashenkoning vertolyoti osmonda uchib yurgan edi, deya xabar bermoqda "Belaruskiy Gayun" monitoring kanali.
Ma’lum qilinishicha, dronlar taxminan soat 12:55 da Ukrainaning Chernigov viloyatidan mamlakat havo hududiga kirib kelgan: "Ularning ikkitasi Yangi Guta atrofidan o‘tib, Gomel tomon yo‘l olgan, yana biri esa Loyev hududiga kirib, Xoynikov yo‘nalishida harakat qilmoqda."
Loyihaga ko‘ra, bu vaqtda Lukashenkoning vertolyoti janubiy yo‘nalishda "Ozerniy" qarorgohidan, taxminan, Mikashevichi tomon uchayotgan bo‘lgan.
