Buyuk Britaniya Ukrainani qo‘llab-quvvatlash bo‘yicha YEIning kredit dasturida ishtirok etishni rejalashtirmoqda. Bu haqda Bosh vazir Kir Starmer devonxonasi ma’lum qildi.
Rasmiy bayonot Yerevanda boshlanayotgan Yevropa siyosiy hamjamiyati sammitida e’lon qilinishi kutilyapti. YEIning 2026–2027 yillarga mo‘ljallangan 90 milliard yevrolik dasturida Britaniyaning ishtirok etishi Ukrainaga moliyaviy yordam ko‘lamini sezilarli darajada kengaytiradi.
Shu bilan birga, London shu hafta Rossiya kompaniyalariga qarshi harbiy ta’minot zanjirlarini uzishga qaratilgan navbatdagi "qattiq sanksiyalar" paketini joriy qilishi kutilyapti. Yerevandagi sammitda 48 davlat rahbari, jumladan Volodimir Zelenskiy va NATO bosh kotibi Mark Ryutte ishtirok etmoqda. Kuzatuvchilar Zelenskiyning Armanistonga ilk bor tashrif buyurganiga alohida e’tibor qaratishdi, chunki bu mamlakat hamon Rossiya ishtirokidagi ayrim tuzilmalar, xususan KXSHT a’zosi hisoblanadi.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
«Urushmoqchimisan?» Zelenskiyning Belarusga yo‘llagan tahdidi G‘arbni hayratda qoldirdi
