Livandan Qozog‘istonning 41 fuqarosi mamlakatga qaytdi. Evakuasiya Istanbul va Dubay orqali amalga oshirildi.
Bu haqda Qozog‘iston Tashqi ishlar vazirligi ma’lum qildi.
"Yaqin Sharqdagi vaziyatning keskinlashuvi munosabati bilan Prezident Qosim-Jomart Toqayevning topshirig‘i, shuningdek, Qozog‘istonning tegishli davlat organlari ko‘magida mamlakat fuqarolari va ularning oila a’zolari Livandan evakuasiya qilindi" - deyiladi bayonotda.
Tashqi ishlar vazirligi 2024-yilning 17-oktyabridan 31-oktyabriga qadar jami 41 kishi Beyrutdan Ostona va Olmaota shaharlariga eson-omon qaytganini ma’lum qildi.
