Livan Isroilning shimoliy xududini o‘qqa tutdi

Isroil harbiylari Livan hududidan mamlakatning shimoliy hududlarini yangi kuchli o‘qqa tutishni qayd etdi.

Bu haqda Isroil armiyasi matbuot xizmati xabar berdi.

Uning ma’lumotlariga ko‘ra, Isroil shimoliga jami 65 ga yaqin snaryadlar uchirilgan. Isroil havo hujumidan mudofaa kuchlari raketalarning bir qismini tutib oldi, boshqalari aholi yashamaydigan hududlarga, shuningdek, chegaradagi Kiryat Shmona shahri hududiga tushdi.

Ayrim hududlarda vayronalar tushganidan keyin yong‘inlar boshlandi. Hozirda qutqaruv xizmatlari ularni o‘chirish bilan shug‘ullanmoqda, deya xabar beradi armiya. Kiryat Shmonada, The Times of Israel nashrining yozishicha, snaryadlardan biri qulashi natijasida bir uy zarar ko‘rgan.