Litvada to‘rtinchi amerikalik harbiyning jasadi topildi

O‘tgan hafta Litvada mashg‘ulotlardan so‘ng bedarak yo‘qolgan to‘rtinchi amerikalik harbiy halok bo‘ldi.

Bu ma’lumotni AQSh armiyasi Yevropa va Afrikadagi qo‘mondonligi tasdiqladi.

"AQSh armiyasining 3-piyoda diviziyasining 1-zirhli brigada jangovar guruhiga tayinlangan to‘rtinchi askari Pabrade (o‘quv poligoni) yaqinida o‘lik holda topildi", — deyiladi bayonotda.

Boltiqbo‘yi respublikasi prezidenti Gitanas Nauseda harbiy xizmatchining vafoti munosabati bilan hamdardlik bildirdi.

"Biz Qo‘shma Shtatlar va Amerika xalqiga samimiy hamdardligimizni bildiramiz", deb yozadi Nauseda X ijtimoiy tarmog‘ida. "Bunday og‘ir sharoitda bedarak yo‘qolgan askarni topish uchun ulkan sa’y-harakatlarni amalga oshirgan barchaga chuqur minnatdorchilik bildiramiz".

Avvalroq Litva prezidenti matbuot xizmati 3 nafar amerikalik askar halok bo‘lgani haqida xabar bergan edi.

Eslatib o‘tamiz, 25 mart kuni kechqurun Litvaning Pabrade shahridagi markaziy harbiy poligonida o‘tkazilgan mashg‘ulotlardan so‘ng to‘rt nafar amerikalik harbiy M88 Hercules zirhli qutqaruv mashinasida qolib, g‘oyib bo‘lgan edi. Vertolyotlar ishtirokida uzoq davom etgan qidiruv ishlari natijasida ARV botqoqlikdan topilgan.