Latviya-Rossiya chegarasida jismoniy to‘siq qurilishi yakunlandi.
Bu haqda loyiha uchun mas’ul davlat kompaniyasi Valsts Nekustamie Ipasumi ma’lum qildi.
"Jami Latviya-Rossiya chegarasida taxminan 280 kilometr uzunlikdagi to‘siq qurildi va u texnik jihatdan mo‘ljallangan joylarda uzluksiz to‘siq hosil qildi”, — deyiladi xabarda.
2024 yilda Latviya-Belarus chegarasi bo‘ylab uzunligi taxminan 145 kilometr bo‘lgan to‘siq qurilishi yakunlandi.
“Chegarada yuqori texnologiyali uskunalarni o‘rnatish davom etmoqda va bizning asosiy maqsadimiz Yevropa Ittifoqining sharqiy chegarasida eng zamonaviy chegara xizmatini yaratishdir”, — deya Latviya ichki ishlar vaziri Rixards Kozlovskis so‘zlaridan iqtibos keltiradi Valsts Nekustamie Ipasumi matbuot xizmati.
Qayd etilishicha, chegaradosh infratuzilmani, jumladan, botqoqli hududlardagi patrul yo‘llari va ponton yo‘llari hamda boshqa muhandislik inshootlarini rivojlantirish ishlari davom etmoqda.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
Maktab va kollej bitiruvchilari 1 yillik harbiy xizmatga jalb qilinadi
O‘qituvchilar va tibbiyot xodimlarining oyligi 2 baravar oshiriladi
