16 fevral kuni G‘arbiy okrug harbiy sudi “Krokus Siti Xoll” dagi terroristik hujum bilan bog‘liq jinoyat ishi bo‘yicha yopiq eshiklar ortida yakuniy sud majlisini o‘tkazadi. Jabrlanuvchilarning advokati Lyudmila Aivar barcha 19 sudlanuvchiga umrbod qamoq jazosini ham qo‘shib, eng qattiq jazoni talab qiladi.
"Yakuniy sud majlisi davomida jabrlanuvchilarning himoyasi bevosita aybdorlar, shuningdek, terroristik hujumga aloqador boshqa shaxslar uchun jinoyat qonunchiligida nazarda tutilgan sanksiyalar doirasida umrbod qamoq jazosigacha bo‘lgan eng qattiq va adolatli jazoni talab qiladi", dedi Lyudmila Aivar TASS agentligiga.
Sudlanuvchilar orasida terroristik hujumning to‘rtta bevosita aybdorlari bor. Ular ayblarini tan olishdi. Qolgan sudlanuvchilar terrorizm yoki terroristik faoliyatga ko‘maklashishda ayblanmoqda. Prokuratura 16 fevral kuni bo‘lib o‘tadigan sud majlisida suddan jazo tayinlashni so‘raydi.
Moskva viloyati, Krasnogorsk shahridagi “Krokus Siti Xoll” konsert zalida sodir bo‘lgan terroristik hujum 2024 yil 22 mart kuni sodir bo‘lgan. To‘rt kishi odamlarga qarata o‘t ochgan va keyin binoni yoqib yuborgan. 149 kishi halok bo‘ldi, uch kishi bedarak yo‘qoldi va 609 kishi jarohat oldi.
Imomali Rahmon vafot etdi(mi)?
Olim Yer aholisini «jahannam iqlimi»dan ogohlantirdi
Maduroni qo‘lga olish operasiyasi haqida yangi ma’lumot paydo bo‘ldi
