Kreml YouTube'dagi faoliyatini qayta boshladi

Kreml "xorijiy auditoriyaga xabarlarni yetkazish uchun" YouTube'dagi faoliyatini qayta boshladi.

Gap 2005 yilda tashkil etilgan Rossiya prezidenti ma’muriyatining kanali haqida bormoqda. O‘tgan yil davomida bironta ham video chop etilmagan sahifada so‘nggi 13 kun ichida 11 ta video joylashtirildi.

"Biz hozirda prezidentning faoliyati haqidagi ma’lumotlar hammaga yetib borishi uchun barcha mumkin bo‘lgan resurslardan foydalanmoqdamiz", — dedi Kreml matbuot kotibi Dmitriy Peskov.