Kreml Isroilning Livandagi harbiy faolligi va Damashqqa berilgan zarbadan chuqur xavotirda ekanini bildirdi .
«Biz birgalikda jangovar harakatlar geografiyasi kengayib borayotganiga guvoh bo‘layapmiz, bu esa mintaqani yanada beqarorlashtirib, keskinlikni kuchaytirmoqda. Bu keskinliklar mintaqa va uning atrofidagi hududlar uchun halokatli. Biz chuqur xavotirdamiz», — dedi Kreml matbuot kotibi Dmitriy Peskov.
Uning qo‘shimcha qilishicha, Moskva Damashq bilan doimiy aloqada.
«Biz hozirda hech qanday xavf-xatarni ko‘rmayapmiz, lekin, albatta, suveren davlatga qarshi bunday zarbalarni qoralaymiz», — dedi Peskov.
