Kreml Makronning Yevropa uchun uzoq masofali raketalar yaratish chaqiruviga javob berdi

Kreml Fransiya prezidenti Emmanuel Makronning Yevropani zudlik bilan o‘zining uzoq masofali raketalarini ishlab chiqishga chaqirishiga munosabat bildirdi.

Rossiya Federasiyasi Federal Kengashi mudofaa qo‘mitasi raisining o‘rinbosari Vladimir Chijov Makron «Oreshnik» raketasini sotib olishni xohlasa ham, Rossiya hozircha bunday qadamga bormasligini aytdi.

Shu bilan birga, yaqinda ma’lum bo‘lishicha, «analogov yo‘q» deb ta’riflanayotgan «Oreshnik» raketasi qisman sovet davriga oid eski butlovchi qismlardan yig‘ilgan bo‘lib, ulardan ayrimlari hatto Yuriy Gagarin davrida qo‘llangan texnologiyalarga borib taqaladi.