Bosh prokuratura huzuridagi Departamentning Kosonsoy tuman bo‘limi tomonidan o‘tkazilgan tergovga qadar tekshiruvda, “K.Y.” xususiy korxonasi rahbari K.G‘. tumandagi 3,6 gektar zaxiradagi yer maydonini o‘zboshimchalik bilan egallab olib, umumiy bahosi 802 mln so‘mlik 41,4 ming kub qum-shag‘al aralashmasini qazib olib, davlat va jamiyat manfaatlariga juda ko‘p miqdorda zarar yetkazganligi aniqlangan.
Mazkur holat yuzasidan Jinoyat kodeksining 229-moddasi (o‘zboshimchalik) bilan jinoyat ishi qo‘zg‘atilib, tergov harakatlari o‘tkazilmoqda.
