Kolumbiyadagi zilzila qurbonlari soni 312 kishiga yetdi

Kolumbiyaning San-Xose-del-Palmar shahrida sodir bo‘lgan 7,4 magnitudali zilzila oqibatida halok bo‘lganlar soni 312 kishiga yetdi.

Kolumbiya Tabiiy ofatlar xavfini boshqarish xizmati (UNGRD) bu haqda bayonot berdi.

Bundan tashqari, 4380 kishi jarohat oldi, yana 290 kishi bedarak yo‘qoldi.

15 ta departament va 470 ta munisipalitetda jami 143 533 oila va 294 503 kishi zarar ko‘rdi.

Bundan tashqari, 134 282 ta uy shikastlangan, 29 680 ta bino vayron bo‘lgan va 277 tasi qulagan. 421 ta yo‘l, 97 ta akveduk, 56 ta yo‘l ko‘prigi va 13 ta piyodalar ko‘prigi shikastlangan.