Kolumbiya prezidentiga qarshi suiqasd uyushtirilishi rejalashtirilgani ma’lum bo‘ldi

Kolumbiya prezidenti Gustavo Petro o‘zi borayotgan vertolyot suiqasd tahdidi tufayli yo‘nalishni o‘zgartirishga majbur bo‘lganini e’lon qildi.

Petro bu haqda prezident ma’muriyatining YouTube-kanalida efirga uzatilgan hukumat yig‘ilishida ma’lum qildi.

Petro vertolyotga o‘q uzilishidan xavotirlanib, rejalashtirilgan manziliga qo‘na olmaganini aytdi. Uning qo‘shimcha qilishicha, bortda uning farzandlari ham bo‘lgan.

"Men qo‘nishim kerak bo‘lgan joyga qo‘nmadim, chunki vertolyotga o‘q uzilishidan xavotirlar bor edi", dedi davlat rahbari.

Petro o‘limdan qutulganini ta’kidladi. "Biz ochiq dengiz ustida to‘rt soat uchdik va kutilmagan manzilga yetib keldik", deya qo‘shimcha qildi u.