"Fuqarolikdan mahrum qilinganlar orasida Forbes milliarderlar reytingiga kiritilgan yetti nafar rossiyalik biznesmen ham bor. Rossiyalik milliarderlar Oleg Deripaska, Aleksey Kuzmichev, Mixail Guseriyev va Vadim Moshkovich, Probusinessbank bankining sobiq egasi Aleksandr Jeleznyak Kipr fuqaroligidan mahrum qilindi", deya xabar beradi “Agentstvo”.
Ro‘yxatga, shuningdek, bir nechta ukrainaliklar ham kiritilgan. Masalan, firibgarlik va pul yuvishda ayblanib, Kiyevdagi tergov hibsxonasida saqlanayotgan milliarder Igor Kolomoyskiy, shuningdek, UkrLandFarming kompaniyasi egasi Oleg Baxmatyuk shular jumlasidandir.
Kiprning Politis nashriga ko‘ra, xorijliklar ro‘yxati taxminan bir oy avval tayyorlangan. Nafaqat investorlarning o‘zlari, balki ularni oila a’zolarining ham pasportlari bekor qilinadi.
Kipr rasmiylari bu harakatni uchta sababga ko‘ra amalga oshirgan bo‘lishi mumkin. Fuqarolik uchun ariza berishda noto‘g‘ri yoki chalg‘ituvchi ma’lumotlar berish, ariza beruvchining jinoiy tarixi va fuqarolikka qabul qilish shartlariga rioya qilmaslik kabilar shular jumlasidandir.
Nemislar bir narsani bilishadi
Rossiya rubli ham quladi
Turkiyaning qarori Rossiyaning rejalarini barbod qilgani ma’lum bo‘ldi
