Endokrinolog va parhezshunos-shifokor Tatyana Bocharova sog‘liqqa zarar yetkazmasdan kuniga qancha o‘rik yeyish mumkinligini aytdi, shuningdek bu mevani yozgi rasiondan yaxshiroq chiqarib tashlashi kerak bo‘lgan kishilarni ogohlantirdi.
“O‘rikni och qoringa yeyish mumkin emas - bu ovqat hazm qilish muammolariga olib kelishi mumkin, ayniqsa gastrit (remissiya holatida ham), oshqozon yarasi, ichak sindromi, pankreatit tashxisi qo‘yilganda. Agar sizda sanab o‘tilgan kasalliklar kuchaygan bo‘lsa, o‘rikdan voz kechishingiz kerak”, - deydi shifokor.
O‘rik tarkibida limon va olma kislotalari mavjud, shuning uchun mevalar shilliq qavatni bezovta qilishi, jig‘ildon qaynashini keltirib chiqarishi mumkin.
Bocharovaning so‘zlariga ko‘ra, hatto mutlaqo sog‘lom odamlarda o‘rik diareyaga olib kelishi mumkin, agar me’yoridan ortiq iste’mol qilinsa, ich suradigan dori kabi ta’sir ko‘rsatiladi.
Organizm sog‘lig‘iga zarar yetkazmasdan hazm qiladigan maksimal miqdori kuniga 200-300 grammgacha. Shuni yodda tutish kerakki, o‘rikni shu miqdorda iste’mol qilishda, uni boshqa rezamevalar yoki mevalar bilan birga iste’mol qilish kerak emas.
“Quritilgan o‘rik yoki turshak, oshqozon-ichak trakti bilan bog‘liq muammolarga duch kelganlarga ham tavsiya etilmaydi. Turshak tarkibida ko‘p miqdorda shakar bor, ular oziqa tolalari bilan birga meteorizm (qorin shishishi) hosil bo‘lishiga olib keladi”, - deb qo‘shimcha qildi parhezshunos.
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
