Koreya Mehnat partiyasi markaziy qo‘mitasi departamenti direktori o‘rinbosari, Shimoliy Koreya yetakchisi Kim Chen Inning singlisi Kim Yo Chen G‘arb siyosiy elitasini Ukrainani moliyaviy qo‘llab-quvvatlayotgani uchun tanqid qildi.
Uning so‘zlari Koreya markaziy axborot agentligi (KSNA) tomonidan xabar qilingan.
Kim Yo Chen Ukraina qurolli kuchlariga harbiy yordam yadroviy falokat keltirib chiqarishi mumkinligidan ogohlantirdi. KXDR rahbarining singlisi Amerikaning Kiyevga yangi yordam paketini AQShning qo‘pol xatosi deb atadi.
Kim Yo Chen bunday qadamlarni «xavfli qimor» deb hisoblaydi.
