Kiyevda halok bo‘lganlar soni 16 nafarga yetdi

Kiyevda 31 iyulga o‘tar kechasi Rossiya Federasiyasining qo‘shma hujumi oqibatida halok bo‘lganlar soni 16 nafarga yetdi, ulardan ikki nafari bola.

Bu haqda Kiyev shahar harbiy boshqarmasi rahbari Timur Tkachenko o‘zining Telegram-kanalida ma’lum qilgan.

Avvalroq 15 kishi halok bo‘lgani haqida ma’lumot berilgan edi.

Timur Tkachenkoning qayd etishicha, hujum oqibatida 159 kishi jabrlangan.

"Biz ma’lumotlarni tekshirish va qurbonlarning shaxsini aniqlashni davom ettirmoqdamiz" - dedi KGVA rahbari.