Kiyev AQSh bilan tiklanish jamg‘armasini ishga tushirishga tayyorgarlikni yakunladi

Ukraina Amerika-Ukraina tiklanish jamg‘armasini ishga tushirish uchun zarur bo‘lgan barcha jarayonlarni nihoyasiga etkazdi.

Bu haqda bosh vazir o‘rinbosari, iqtisodiyot vaziri Yuliya Sviridenko o‘zining Facebook sahifasida xabar berdi.

"Bugun tegishli notani AQShning Vaqtinchalik ishonchli vakili Juli Devisga topshirdim," deb yozdi Sviridenko. Uning aytishicha, kelishuv jamg‘armani birgalikda boshqarish va Ukraina iqtisodiyotiga sarmoya kiritishni ko‘zda tutadi.

Bir kun oldin Vladimir Zelenskiy Oliy Rada tomonidan avvalroq qo‘llab-quvvatlangan AQSh bilan foydali qazilmalar sohasidagi hamkorlik to‘g‘risidagi bitimni ratifikasiya qilishni tasdiqladi.