Kecha Rossiyaning Dnepropetrovsk viloyatiga uyushtirgan havo hujumlarida olti kishi halok bo‘ldi

Ukrainaning Dnepropetrovsk viloyatida Rossiyaning kecha amalga oshirgan hujumlarida kamida olti kishi halok bo‘ldi.

Bu haqda viloyat ma’muriyati rahbari Aleksandr Ganja o‘zining Telegram-kanalida e’lon qildi.

Uning so‘zlariga ko‘ra, Rossiya kuchlari Dnepropetrovsk viloyatining to‘rtta tumanida 50 dan ortiq artilleriya va dron hujumlarini amalga oshirgan.

"Ukraina markazidagi Krivoy Rog sanoat shahridagi turar-joy binosiga qilingan hujumda ikki kishi halok bo‘ldi.

Sinelniki tumanidagi Dubovikovska jamoasini bombardimon qilishda to‘rt kishi halok bo‘ldi va yana uch kishi yaralandi", deb yozgan Ganja.

Avvalroq Ukraina prezidenti Vladimir Zelenskiy kecha kechqurun Rossiya Ukraina hududiga 200 dan ortiq hujumkor dronlar, 80 dan ortiq havo bombalarini uchirishi va 30 dan ortiq havo hujumlarini amalga oshirishi haqida ma’lum qilgan edi. Hujumlar infratuzilmaga zarar yetkazdi va qurbonlar bor.