"Real" yarim himoyachisi Karlos Kazemironing "Manchester Yunayted"ga transferi tafsilotlari ma’lum bo‘ldi.
BBC jurnalisti Saymon Stounga ko‘ra, agar kelishuv yopilsa, braziliyalik futbolchi 60 million yevro evaziga “Real”dan “Manchester Yunayted”ga o‘tadi, yana 10 millioni bonus sifatida beriladi.
Shartnoma 4 yilga va yana bir mavsumga uzaytirish imkoniyati bilan imzolanadi. Eslatib o‘tamiz, tomonlar o‘rtasidagi kelishuv hali yopilgani yo‘q, biroq “MYU” hammasi amalga oshishiga umid qilmoqda.
