Kattaqo‘rg‘onda 6 yoshli qizaloq o‘z ukasi yotgan beshikka o‘t qo‘yib yubordi

Samarqand viloyatida 6 yoshli qizcha 2 oylik ukasi yotgan beshikni yoqib yubordi.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berishicha, 10 noyabr kuni Samarqand viloyatining Kattaqo‘rg‘on shahrida yashovchi 6 yoshli D.T. ismli qizaloq oila a’zolari tomonidan nazoratsiz qoldirilishi natijasida gugurt o‘ynab xonadagi beshikni yoqib yuborgan.

Natijada yong‘in uy egalari tomonidan o‘chirilgan.

Yong‘in oqibatda qizaloq va uning beshikda yotgan ikki oylik ukasi A.T. kuyish jarohatlari bilan kasalxonaga yotqizilgan.

Ayni vaqtda surishtiruv ishlari olib borilmoqda.

Vazirlik yosh bolalarni nazoratsiz qoldirmaslikni so‘ragan.

Manba: kun. uz