Kannavaro: "G‘alaba har doim yoqimli. O‘yinchilar ham, muxlislar ham xursand"

O‘zbekiston milliy jamoasi bosh murabbiyi Fabio Kannavaro Eron ustidan qozonilgan (0:0, penaltilar - 4:3) g‘alabaga munosabat bildirdi.

"G‘alaba har doim yoqimli. O‘yinchilar ham, muxlislar ham xursand. Bugun oson o‘yin bo‘lmadi. Har doim kurashish kerak. Ularga qarshi bo‘shashib bo‘lmaydi. Birinchi bo‘limda o‘yinni nazorat qildik, 2-3 ta yaxshi imkoniyatni qo‘ldan boy berdik va ikkinchi bo‘limda gol urmasangiz qiyin bo‘lishini ko‘rdik. Ular darvozamiz oldida deyarli vaziyat yaratishmadi. Qizil kartochkadan so‘ng vaziyat juda qiyinlashdi. Ammo men ularning ko‘rsatgan mentalitetidan xursandman", - dedi 52 yoshli italiyalik mutaxassis.