O‘zbekiston Respublikasi Prezidenti Administrasiyasi huzuridagi Axborot va ommaviy kommunikasiyalar agentligi matbuot kotibi Hikmatilla Ubaydullayev "Telegram"dagi kanalida ijtimoiy tarmoqlarda muhokama qilinayotgan jurnalistning umummilliy guvohnomasini joriy etish masalasi yuzasidan ma’lumot berdi.
Uning ma’lum qilishicha, jurnalistning milliy guvohnomasi - Axborot va ommaviy kommunikasiyalar agentligining gologramma muhri bilan tasdiqlangan ID karta jurnalistlarga bepul taqdim etiladi.
«Haqiqatan ham, Prezidentning 2 fevraldagi qarori bilan tasdiqlangan 2019-2020 yillarda O‘zbekistonda axborot sohasini rivojlantirish bo‘yicha Dasturda Axborot va ommaviy kommunikasiyalar agentligi (AOKA) tomonidan jurnalistning umume’tirof etilgan milliy guvohnomasi joriy etilishi belgilangan edi.
Shuni ma’lum qilamanki, Agentlik mazkur masala yuzasidan tegishli hujjat loyihasini allaqachon ishlab chiqqan va loyiha ayni paytda Adliya vazirligi tomonidan ko‘rib chiqilmoqda.
Mazkur hujjat qabul qilingandan so‘ng Axborot va ommaviy kommunikasiyalar agentligining gologramma muhri bilan tasdiqlangan ID karta jurnalistlarga bepul taqdim etiladi», deyiladi xabarda.
Shu yil boshida O‘zbekistonda jurnalistlar uchun milliy guvohnoma joriy etilishi, u qanday ko‘rinishda bo‘lishi haqida ma’lumot berilgandi.
Shoygu urush tugaydigan “aniq va shubhasiz” sanani ma’lum qildi
Ozodbek Nazarbekov Botir Qodirov va Jo‘rayevlar haqida: “Uchta tirrancha buyuk san’atkorni loyga bulg‘amoqda”
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
