Saudiya Arabistonida jurnalist Jamol Xashoggining o‘limida ayblangan jinoyatchilar o‘lim jazosidan qutulib qolishi mumkin. Eslatib o‘tamiz, 2018 yil 2 oktyabr kuni jurnalist Xashoggining joniga qasd qilingandi.
Associated Press ma’lumotlariga ko‘ra, besh nafar ayblanuvchi Xashoggi qarindoshlarining muruvvatidan keyin hukm o‘zgarishiga ishonishmoqda.
Musulmonlarning muqaddas Ramazon oyi sharafiga, marhum jurnalistning o‘g‘illari jinoyatchilarni "kechirish" to‘g‘risida qaror qildilar. "Biz, shahid Jamol Xashoggining o‘g‘illari, otamizni o‘ldirganlarni kechirganimizni bildiramiz ..." deyishdi ular.
Ma’lumot uchun, jurnalistning o‘limida ayblanganlardan 5 kishi o‘limga, uchtasi qamoq jazosiga hukm qilingandi.
2018 yil 2 oktyabrda Saudiya monarxiyasini tanqid qilgani bilan tanilgan Jamol Xashoggi Saudiya Arabistonining Istanbuldagi elchixonasiga bordi va g‘oyib bo‘ldi. Keyinchalik esa Turkiya huquq-tartibot idoralari diplomatik vakolatxona binosida qasddan odam o‘ldirilganini aytishdi. Anqaraga ko‘ra, Saudiya vakillari o‘z qurbonini shafqatsiz qiynoqqa solishgan, so‘ngra o‘ldirishgan.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Markaziy Osiyo davlatlariga tashqi kuchlar tomonidan bosim o‘tkazilmoqda - O‘zbekiston Prezidenti huzuridagi Xavfsizlik Kengashi
