Jizzax viloyatida erkak uyiga mehmonga kelgan tanishining boshiga bolta bilan urib, uni o‘ldirib qo‘ydi. Bu haqda “Milliy” telekanalining “Millar” dasturida ma’lum qilindi.
Qayd etilishicha, voqea joriy yilning 21 fevral kuni soat taxminan 23:40 larda G‘allaorol tumanining “Buloqboshi” mahallasida sodir bo‘lgan.
Ushbu mahallada yashovchi erkak o‘ziga oldindan tanish bo‘lgan Jizzax shahrida yashovchi ulfatini uyiga mehmonga chaqirgan. Erkak tanishi bilan birgalikda spirtli ichimlik iste’mol qilgan va buning ta’sirida ular o‘rtasida janjal kelib chiqqan. Oqibatda uy egasi mehmon tanishining bosh qismiga bolta bilan urib, uni qasddan o‘ldirib qo‘ygan.
Ushbu holat yuzasidan G‘allaorol tuman prokuraturasi tomonidan Jinoyat kodeksining 97- moddasi (qasddan odam o‘ldirish) bilan jinoyat ishi qo‘zg‘atilgan. Hozirda dastlabki tergov harakatlari olib borilayotgani aytilgan.
Toshkentda qo‘lga olingan deputat 14 yoshli o‘g‘il bolani zo‘rlaganlikda ayblanmoqda
Crocus teraktida ayblanayotgan tojikistonlik Muhammadsobir Fayzovning qarindoshlari o‘z haqiqatlari bilan bo‘lishdi
ECHL. “Real” “Manchester Siti”ni yengib, yarim finalga chiqdi
