Jizzaxda do‘kon yonib ketdi

Bugun, 16 iyun kuni soat 08:02 da Jizzax viloyati, Zomin tumani, “G‘.G‘ulom” MFYda joylashgan muzqaymoq do‘konida yong‘in ro‘y berganligi to‘g‘risida FVBga xabar tushgan.

Shunga ko‘ra 1 ta yong‘in-qutqaruv ekipaji soat 08:06 da voqea joyiga yetib borib, yong‘in soat 08:09 da o‘rab olingan va soat 08:20 da o‘chirilgan.

Yong‘in natijasida do‘konning 36 kv.m maydonda shift qismi va do‘kon ichidagi jihozlari yongan.

Yong‘in sababi va yetkazilgan zarar aniqlanmoqda.

Hodisa oqibatida tan jarohati olganlar yo‘q.