"Maxsus prokuror 10 noyabr kuni sobiq prezident Yun Sok Yolga o‘tgan yili qisqa muddatli harbiy holat joriy etgani bilan bog‘liq ish bo‘yicha qo‘shimcha ayblovlar e’lon qildi, u hokimiyatni suiiste’mol qilish va dushman davlatga ko‘maklashishni nazarda tutadi", deyiladi agentlik xabarida.
Ayblov versiyasiga ko‘ra, Yun Sok Yol harbiy qo‘mondonlik bilan birgalikda Shimoliy Koreya hududida javob harakatlarini qo‘zg‘atish va ularni harbiy holat joriy etish uchun bahona sifatida qo‘llash maqsadida uchuvchisiz uchish apparatlaridan foydalangan holda maxfiy operasiya o‘tkazishni buyurgan.
Shuningdek, sobiq mudofaa vaziri Kim Yon Xyon va harbiy kontrrazvedka qo‘mondonligining sobiq rahbari Yo In-Xyonga ham ayblov qo‘yilgan. Bundan tashqari, dron operasiyalari qo‘mondonligi rahbari Kim Yon De xizmat vazifalarini bajarishga to‘sqinlik qilish va soxta hujjatlar tuzishga undashda ayblanmoqda, biroq u hibsga olinmagan.
Yun Sok Yol o‘tgan yilning dekabr oyida mamlakatda harbiy holat joriy qilishga uringan. Shundan so‘ng, parlament uni qo‘zg‘olonga urinishda ayblab, impichment e’lon qilgan edi.
Eronda 61 mln tonnalik oltin zaxirasi topildi
AQSh 2026 yildan dollarning yangi namunalarini muomalaga kiritadi
Moskva sudi faqat O‘zbekiston va Qirg‘iziston fuqarolari ishga olinishi ko‘rsatilgan e’lonlarni taqiqladi
