Janubiy Koreya qirg‘oqlarida kemaning ag‘darilishi oqibatida kamida to‘qqiz nafar baliqchi bedarak yo‘qoldi.
Bu haqda Ryonhap agentligi xabar bermoqda.
Janubiy Koreyaning janubi-g‘arbiy suvlarida, aholi yashamaydigan Dayebichi orolidan 16,6 kilometr uzoqlikda baliqchi qayig‘i ag‘darilib ketdi.
Harbiy-dengiz floti qidiruv-qutqaruv operasiyasiga kemalar, samolyotlar va maxsus kuchlarni jalb qildi.
Ekipajning uch a’zosi qutqarib olindi. To‘qqiz dengizchining taqdiri noma’lumligicha qolmoqda. Qidiruv davom etmoqda.
