Koreya Respublikasi Ruminiya bilan 1,3 trillion von (939 million dollar) miqdoridagi qurol-yarog‘ning yirik partiyasini sotish bo‘yicha bitim tuzdi.
Bu haqda Yonhap agentligi xabar berdi.
Imzolangan hujjatga muvofiq, Janubiy Koreyaning mudofaa giganti Hanwha Aerospace Ruminiyaga qurol va o‘q-dorilar eksport qiladi. Xususan, Ruminiya tomoni 54 ta K-9 o‘ziyurar gaubisalari va o‘q-dorilarni tashish uchun 36 ta zirhli mashina oladi.
